قصيدة من الشعر الشعبي يعاد نشرها
في الذكرى الاليمه ليوم الاربعاء الاسود ، ذكرى مجزرة المحمرة من عام 1979 م.
ذكرى الاجيال
حامد الكناني
يـوم ويضل للأبــــد تتذكـرى الأجـــيال
عـار بجبين العـــــدو والنه زفاف ابطال
يـوم ويضل ينذكر كـل عــام ذاك اليوم
امحمرة اُم المجــــد غطت سماها اغيوم
مطر الحقد من نزل فاضت ارضنه إدموم
واغراب شوم الوكت بينه بجسارة عال
اغراب شوم الوكت لملم جيوشه ولعب
صب حقده وبلا رحم عــزّم يبيد الشعب
مـــئات منه قــتل وعشرات منه صــلب
بديـــار أهــل المجد ابكل وكاحة صـــال
بديار أهـــل المجــــد ضل يلعب وينهب
والفـار طبعه اللعب چـــان الصگرغرّب
مايــدري هــذا الشعب جبار من يغضب
يهزم جيوش الجهل لــــو هـوّس المهوال
يقطع رؤوس العــدا لــــو ماجـــده تنخاه
جبار هذا الشعب ضيغم يشرب اعــــداه
التاريخ يشهد اله اشحــــده الگدر لاواه
والعيله منّه التجي اشــلون بـــيه انعال
العيله منه التجي ومــــا يجـــــرع الذله
البهلوي ما گـــــدر وما یــــــگدر المله
نـــــیسان شـــــاهد یضل یوم العَلَم عله
غصبن علی المعتدي بید النشامی انشال
غصبن على المعتدي طرّز سمانه العلم
والــكون كـــله درى ابمحنة شعبنا وفهم
شاهـدوا ابن العرب لأجل الحبيب انعدم
فــوگ المشانق نشد لأجـل الوطن موال
يـوم ويضل للأبد تتذكري الأجـــيال
عـار بجبين العــدو والنه صمود أبطال
***
أبو نزار حمدي
29-05-2008