الى إلأكرم منا جميعا خاصة شهداء الأنتفاضة النيسانية المباركة
بمناسبة مرور اربعين يوم علي إستشهاد الشهيدين علي عفراوي ومهدي نواصري
صعود المشانق
***
صعد واعيونه تجدح غيض
إشحده الخوف لو یگرب الجدمه ویگدرایدنسّه
شاف اذياب حوله بالمكان اتجول
امكشره الأنياب وناويه اتفرسّه
اذياب وبالغدر الهم بعد تاريخ
متسلطه علينه اليوم متونسه
مد شوفة يعاتب ينظر الكارون
ولگه شط العروبة اعلامة منتـكسّة
رفع راسة ونظر للغيم ذاك اليوم
وفوگ الغيم يتبختر لگه نـفسه
شاف الناس تنظر والرموش اسيوف
وبذانه سمع محي وعرف حسه
سمع حاتم وعيسي وناصر ودهراب
واشبيل وشريف اتنطره في جلسة
تقدّم مهدي وماخاف
وعلي وياه يتباهه ابمشيته وعلمه ودرسـه
صعد واعيونه تجدح غيض
ولگه إحبال المشانق منه مـختلسه
***
هذول إحنه إلخنگنه الخوف
إشحده الگال من الخوف نتراجـف
وهذول إحنه الرفعنه الراس
وإنجازات بالإعلام تـترادف
عمي، عشگنه والعشگ موعيب
ويا عشك الوطن من كل عشگ اشرف
طبع بينه الشجاعه إعلوم
وما بينه الرخيص البایع الاوطان
ولا بینه الذليل الدنگ إعلى الـچف
علي مو اخر شهيد
الیمشي عالي الراس
ولا مهدي الأخير الواجف على الـصف
هاليوم الشهادة صارت اهيه الفوز
ويحسدون السعِيد الصوبهه يـنزف
يحسدون البخيت الفاز بيهه اليوم
رمز يصبح لأهلنه وبيه نتشرف
ونرفض کل مذله وما نطخ للعار
وخل الما عرف يـعرف
هذا العهد عهد إجديد
والشاهد علينه 15 نيسان
تغر بحر الشجاعه وما ابد يـنشف
ومن زفوا علينه ومهدي المقدام
شفنه الخوف كل الخوف
بعيون الجهل مشتول
خافو من علي وهوه علي امـچتف
شايل بس قلم مهدي و علی ابیمناه
گلـٌي اشلون لو چان ابیمینه السیف دم یـرعف
عمي مو عجبه النشوفه بالوطن هاليوم
وبطولات النشامة الما ابد توصف
ذول احفاد حیدر،یونس و حداد
والصامد ابسجنه فوزي بن رفرف
والصامد ابسجنه فوزي بن رفرف
***
ابو نزار حمدي
- حاتم جعلوش (حته)،محي الدين ال ناصر،عيسى المذخور،دهراب شميل ،شبل حمود ،شريف نواصري،حيدر الطليل ،يونس العاصي،حداد ،ناصر الزرگانی ، جميعهم شهداء ومن قيادات الحركة الاحوازية.
- البطل فوزي رفرف ،معتقل في بريطانيا (مجموعة الشهيد عون)