|
چنه وچان
أبونزار حمدي
چنــــــــــــــه وچـــــــــــــــــــــــان
چان
الوکت إلنه
و اإحنه
چنه أهـله
وچنه وچان امحمرتنه الجميلة
من
المُدن أحلى
وچنه وچـان هاونـّه یرّن
ایناغم الدلة
وچنه وچان نخلتنه الرشيقة
من
النخل اعلی
وابليلة نحس من شهـر نیسان
صاح
اعبید،حَشّمْ عـل سلف کلـه
هـــــا خوتي النشامة ،هــــا
وینهه الشجعان
اجتنه اجناب چنهه وجایبـه الذلة
مدري اشصاب أهلنه وسدّو البیبان
وهذول احنه الورثنه العار والعلة
ثمن
اعقود واحنه اعیونـه الـطهران
وکلـیوم الیـجینـه أردی من قـبلـه
ثمن
اعقــود بینـه تنـهب الحرمــان
لا
تفگ العشیرة ايجيس
ولاسیف العقیدة مجتهد سله
لأن
تفگ العشیرة ،امزنجر من ازمان
وابن عم الحرامي حضرة المله
ويجي یکنَح علینه ابن شيخ افـلان
یسولفلي اعلى جده وحکمته ونُبله
وانه
الأدري مؤکدماني غلطان
اهـو جده العلیــنه حَشـّمْ ودلـــــه
ودخل انشوف بینه اشسوت الغربان
بلچي انلم جرحنه ونگدر اِنشله
عنتر هلزمان امـدوهنـه الدخـان
دایخ مـا دری شنـهو الجری العبلة
وشیبوب المصخـّم سولته النسوان
امحَنّي الـچفـوف وداهن الــگذلــه
وذاک احصانـّه المهيوب للفرسان
صار
احمار دوغة ورچبته سهلـه
وحتى اچلیبنه ذاک الوفي السهران
ضل
ینبح علینه من الغریب ایخاف
لأن شاف الغریب اشچم عظم ذَبله
والبلوة الچبیرة ،الجهل یخوان
وهو
ياهو المثلنه مبتلي ابجهله
أمس
عرکت أهلنه ،احمید والزرگان
و
گبـل منـهه ابقنـــاة المستقلة
بسک
یا قـلم ،گلبـی تـری ملیــان
اخــافنک تزیــدالطـین بــِلـّه.
2004م- هولندا |