لك جنة الخلد يا شهيدنا البطل
إلى الشهيد كمال دغاغله
أخو الثوار
***
يمكحل الـــشهاد بــمروّد
الــــغيرة
اويه امكمل المراجل يا أخــو
الـــثوار
بــعيونك نجابة ومـــرجلة
إكـــثيره
ونظراتك رسالة الكل محب
تــــــذكار
تــدخل للـــگلب من غـیر
تــأشیرة
بيت ايصير الك ما تنحسب
جــــــار
نشمي وبالمواقف خیرة
الـــخیره
یــا حـــید السلف یالبیک
عـــتبار
یمحطم السکون وچلمة
الـــحیرة
صیحاتک تـــهز إعـــروش
الاشـــرار
یا حــامي الحمیة وصاین
الــجیرة
خــلیت الــعدو یـا شهم
محـــــتار
عشگیت الوطن و مـا فضّلت
غــــيرة
وبــدمک سگیت الــگاع
یــا بــــار
گــالو بـالیموت ايضيع
تصــویرة
اوهــذا انته بگلبنه ازغـار
واکـــــبار
ضـــوّيت الــــدربنه وزدت
تــــــنويرة
اوعـرّفتوا القضية بكــــل
الأقطار
ومن شفنه کمال وشفنه
تطــبیره
تعاهدنه وعهدنه انکمل
المشوار
احنه أهل الارض واصحاب
هــالدیره
ومــن یـوم الخلگنه ربـنه
احـــــرار
غــم رأیه العدو لــو حِقد
تفکیرة
مـا یحصد ابــد غیر الخزي
والـــعار
هاي ارض الرسالة وگالت
السـیره
مــا یسکن عــلیها الیعبد
الـــــنار
***
ابونزار حمدي
09-05-2006