|
الاهداء الی الشهید البطل راضی عبیات من مدينة الحميدية
تحيا أهل الحميدية أبو نزار حمدي *** تحيا أهل الحميدية، تحیا أهل الحمیديه نشامه وماتهاب الموت واحدهم يدگ مــــــیه وإخذ راضي الشجاع الماسکت عل عــــــــــار تخیّل مُهرته محــــتام ،رفع رایة وطنـه وغار رکض ما سبگته الرجلین ،شد جرحه ابوریده والجرح شـنــــــيار صاح الدار محمية بأهلها الدار اوگال الوطن یستاهل تحرسه الناس کلهه ازغار ویه اکبار وگال النه الشهادةامسجله من یوم خطاهه علینه حیدر الکرار محمية تضل الدار ومهیوبة تضل الدار لأن عشگ الوطن مفروض واهي هیچي ،ابشجاعه موتت الاحرار
*** ولو اُمک تنوح اعلیک اوکلها اتسولف ابطرواک ولواختک یبعد العین تربی اعیونهه الملگاک ولو صف الدراسه فاهي ابلیاک ولو قلمک یراضي محزن وينعاك ولو ربعک محزنه وابد ما تنساك ولو فرگاک راضي ایعذّب الدلال ولو فگدک ثجیل وما تشیله اجبال ولو تنشد علیک وحزنت الاطفال ولو رسمک یراضي والله بَچّه ارجال تضل انته مَثَلنه وقدوة للاجیال رمز انته یراضي وهيبة للابطال حي انته والک یاحیـد تلگه ابکل گلب تمثال او عهد ویاک یا راضي نثور اعلی الجهل وانزیح دیجوره ولیالیــــــــــــــــه ونهَدّم عَرش کُل طاغی ونصیح الثار ثمَ الثار ونعمي اعيون كُل حاقد وإنــَزیح العبودية ويضل اسم الشهيد اسراي يهدينه اعگال الرأس اسمه فوگ چفیة تحیا اهل الحمیدية،تحیا اهل الحمیدية نشامة وماتهاب الموت ویتباهه الوطن بیهم واحدهم یدگ مية
أكتوبر 2005 |
