|
الإعتراف أبونزار حمدي یــدوّرون الــــکبارى والـــعرّج دسّاس قضیتنا اشتكت من الجهل یا ناس قضیتنا اِبـتلت واتـــــطــالب النــــجده شن غـــاره عدونــه ومـــــحد ایرده دم ینزف شعبـــــنه ومــنمرد چـــبده واحنه اعـلی القیادة امکامش من الراس واحنه اعـلی الــرئاسة وخجل ما عدنه اتـــعدینه الــحدود وهـم بـعد زدنـــــه کـــل واحـــد یفـــــکر اهــــو قـــــــائدنه مــرض حب الــرئـاسه صــاب الانــفاس مـرض حب الـرئاسه والحچی التهریج نـــلتم بـلنفاه ونــختــــــفی بالــــضیج حــجزوهه الــحقائب واحــنه باول هیج وابصحة شعبنه کــاس ینطح کــاس وبصحة شــعبنا والـشعب مظلــــوم کـــلیوم ولـــفانه اغـــــراب لـــــو بوم یتبــختر عــلینه وبالعوالــــی أيسوم یظن نفسه ذهب والـباجی أنحاس یـظن نفسه زعــــيم ومرشد وقـــــائد ویـــوگع من تلمسه امزنجر وبــاید يحب یرکب الــــموجه بالعجل راید لا عــــنده ضـــمیر ولا بـــعد احســاس لا عنده ضــــمیر ولا ابــــــــد نـــادم مــن فــکر الـــقبیله الــحطم الـــــوادم چــم شیخ الصبح عند العدو خــادم وأعمال الخيانة الشاب منهه الرأس أعمال الخيانة والـــــظلم والــــــجور نـــهر کــــارون یشهد، یشهد المنیور چـم حـُر وأصیل انسلب حگه ابزور وچـــم حـُره الذلیله والعرّض منداس چم حـُره الذلیله وچم طفل محزون وچــم حـید التچتف بالسجن مســجون مـعروف الأصيل ابأهله عیب أيخون ولایقبل عــلی ارضه تسحگ الارجاس ومـایقبل النفسه ایصیر سئ الصیت ذلــــــــو کــل اهلنه وانــهدم چم بیت وچـم حـــــُـر التگنطر والسبب ندّاس نــــــدّاس وتــــــشوفه الـیوم متغطرس یـــــردحــــلــّّه السفیه وذاک المـفلــّس حَسب نفسه عـــجید الــگوم متونـّس مـــــایدری الـقــیاده بـلشرف تنقــــاس مــقیاس الــقــیاده مرجــــله وهمـــه مــوش الـــعاف اهــله وبـایع الــــذمه الـقائد عـل وطن مــــا یبخل ابدمـــه وکــل چلمه النطقهه جوهره والماس کــل چـلمه الـنطقهه تسعد المهضوم حــارس للوطن مثل الصگور ایحوم مــرهم کــل جرح و ایــداوی الملچوم مُــتواضع شریف وبـــالامانه ســـاس مُــتواضع شریف وبلشجاعه اعلوم مـــوینفخ ابنفسه وبیرقـــــه المزعوم لأهــله ایصیر حـــالی وللعدو زیقــّوم ولأولاده یـــــصیر امـــــــعلـّم وسیــــَّاس للـــــوادم یـــــــصیر امــــعـلـّم وثــــــــایـه مــن الــــناس لازم یــــــسمع احـــچّایـه مــــوجای ابـــــــخداع ویـــگلب الایـــــــه ابـــزورتنه یـــــگص وبعد بیده الفاس ابــــزورتنه یـــــــــگص ورای ماعــــنده وایـــــمجد بـــــبوه ونــــفسه وجــــــــــده مـــــا یـــــدری شعبنه فــــات واتعــــدّه وافــــکار الـــــقبیله مــالــــها نبراس افــــکار القبیله مــــــــاتت من ازمــان مــــــا نــــفعت شـعبنه نــفعت العدوان الـــــیوم الناس کلهه فــد گلب والـسّان واسم الــشعب صــایر مفخره ونوماس اسم الشعب هیبـــه والعـَلـم عنوان بالــــوانه الــــثلاثه رفــــعــته الشجعان چنــکم مـــــاسمعتو اشصاحوا ابنیـسان لـــو نـــومة کهف غالب علیهه انعـاس هـــذا اهـــوه عـَلمنه الشعب ضحّــاله والــــــمنهَّج ســـلام وللعـُنف لالــــــــه راح الــطوب وکـــــــته وراحت الفــــاله ومـــحمیه الـــقضیه وابــد ما تنـــجاس مـــحمــیه الــقضیه ونــــِعُرف التــوّاب ذاک الـــعاف شـــــعبه ورافگ الاجناب ثـــمن اسنین چــان ابمجلس النــواب وتـــــالیهه الـمُلالی طلــّـعوه بمــداس هذا اهوّن علینه من حچی المنتوف یـــطبخله حـــلاوه وأبــــــجدر مـــخسوف هـــــلیوم الـــحچی لازم علی المکشوف وارث لـــــــــــلأمــاره یـــدعی اللــــحاس وارث لــــــــــلأمــاره وعنـــده الاختـــام ومـــن یحچی السلـّیمه ایقلدابصدام هـــذا اول بــــرم والـــخیر لیجـــدام ایـــرید ایــشیخ بـیهه الـــتایه المفلاس ایـــــرید ایــشیخ بیهه ونـــاطر ایچیّس والــبلوه الــــــچبیره بلـــــوة الرئیس لــون تسمع کــــلامه سرعه اتــأیس تشکی الـــــحال لالله وتـنخا العباس تـــــشكي الحال لالله بـلچي يرشدهــــم ومــن هـــذه المهازل هلبت ایردهم هــــــلیوم الــــوطن محــتاج نخوتهم عـــــون انصیر کلنه وللوطن حراس عــون انصیر کــــلنه للشعب خــــدّام وأنــــــفـُک السجین ونـــذکر الایـــتام بـــالـواقع نــــــــعیش ونترک الاحـــــلام یــتنازل لــــــخوته ای شخص لابــأس یــــتنازل لــخوته ویــــــمشی مشیتــهم ولـــــــو صاحــوا یلبّی وفـــزع فزعتهم جـــاری الــمای أهـــلک های وصفتهم الــجاری من یــعوفه خمـخم وخاس الــــــجاري مـــن يـــعوفـــه خـسرتاليـهه الـــــواجب كل شخص نفسه يزكيهه امـــــراض الــــکباره خــیر ما بیهه الــمتواضع تــحبه وتـــــعشگه الناس
دسامبر2005
|
