البسیتین

أبونزارحمدي

نتراجف برد وامحزمين احــــزام

 البسيتين وين او وين روتـــردام

بالبسیتین چـــــنه ننجمع شبان

لشتیوي نروح ونشتري الــرمان

ويا محله لعبنه امحيبس ابرمضان

وانعاود لأهلنه ابدگة الـــــدمام

بالبسیتین عدنه کل اسم معروف

مــــو بیتر وتیس ویوري کارنکوف

الجنجولي ابنخوته اوغیرته موصوف

واغویلب يعادل ميت الف بكهام

البسیتین وین اووین هــــــولنده

وجمعات الاهل والچای والگعده

خبز تنور ، حـــــار وسمچ نتغده

مو هسه أکلنه صــــــار بوترهام

بوتر هام أکلي والضغط صــــاعد

وچن طنبور وحدي امغندب وگاعد

هذا الحال عندي وربک ایساعد

لا صـــــاحب الیه ولا الیه اعمام

لا صــــاحب الیه ولا اخو العندي

ولا جاري اعرفه حتی صوبه ابدي

ماشوفن عــدی الافغان والهندي

ولــــودگ الافریقي اشحده الینام

لودگ الافریقي وحشش الروسي

اضل اشبع قهر واتــــذکر افلوسي

تهدیني المرأة بـــــآخبار الالوسي

تگلي ایگول اصبر والفرج جـــدام

تگلي ایگول اصبر گــــــالت البلورة

واشوفلکم سعادة ابواضح الصورة

مـــــایــــدري انهبنه ابکثر النذورة

لا سید تـــــرکنه ولا نسینه ایمام

نتراجف برد وامحزمين احــــزام

البسيتين وين او وين روتـــردام.

 الرجوع الى القائمة

·       البسیتین مدینة صغیرة فی الجانب الغربي من الاهواز علی الحدود العراقیة.

·       اشتیوي صاحب محل لبيع الفواکه حیث کان یتأخر في اللیل.

·       الجنجولي حمید نعیم من شباب البسیتین.

·       اغویلب المولی لاعب کرة قدم.

·       الآلوسي صاحب برنامج البلورة علی تلفزیون  آ - ان - ان.

• بوترهام : الخبز الهولندي