|
الأهـداء الى الشهداء الأبطال الشهيد منصور مناحي والشهيد حسين الماضي لكم جنة الخلد يا شهدائنا الابرار حمد واحمود حامد الكناني
حمد واحمود هُما اثنین خوّان ما ساموا قضية وباعوا الأوطان ســـالوفة سلفنا وقدوة للشبان مشیتهم سویه ، واللیالي اشهود نیتهم فرد نیه وفرد نــــــاگود لا هــابو لیالي الدامسه و الـــسود لا هزهم طمع ، لا فرهدوا فرهود لا ساموا قضیه وباعوا الأوطان حمد واحمو د هُما اثنین خوان ســـالوفة سلفنا وقدوة للشبان وچان ابن الصریفه اسعود یتباهى ابحمد واحــــــمود یتمنى شمسنا اتــــــــعود وایلحن الإغانی ویعزف الألحان حمد واحمو د هُما اثنین خوان ســـــالوفة سلفنا وقدوة للشبان
ذاک الیوم فز اسعود واگــلیبه یدگ ابزود مفزوع ابفرح وابخوف وامه اتصیح اه یسعود یا مگرود خافنک جعت یولیدی لو بردان حمد واحمو د هُما اثنین خوان ســــالوفة سلفنا وقدوة للشبان
گال اسعود: شفت احمود وابصفه حمد نـــــــاطور چفافیهم حُمر واعیونهم بلور تشلبوا عل نخل لیفوگ صعدوا والظلام ایدور ماهابوا ظلام الیل والدیجور وچنت اسمع حمد یتنخه أبحدهن ذیچ الخانها الشاجور وصاح احمود یا ناصر وحگ عیناک يا ناصر والله الیوم لأجلک کل شعبنا ایثور وصاح احمود : مد ایدک حمد يا خوي جیب الشمس لأجل الناس ، جیب النور وچــن طلعت شمس والنورراح ایدگدگ البیبان حمد واحمو د هُما اثنین خوان ســـالوفة سلفنا وقدوة للشبان
وفزعت کل زلمنه وهلهلت نسوان والتمت ییُمه وصاحت الصبیان خویه اسعود ، خویه اسعود اعزف للشمس خافن تضیع اردود شالونی وشفت تحت النخيل اورود وشفت اثنین بیهن توّهن امفتحات عطر جنه یفوحن یمه هل وردات وشفت اعله الغصن والگاع من دم الشهید اهناک گطرات اظن چانن ییمه دم حمد واحمود حلوه الوانهن وتتراگص الأغصان ابشوفتهن ييمه فرحت السکان لكن مادريت الياسبب فدنوب يُما انجلعت الغربان حمد واحمو د هُما اثنین خوان ســـــالوفة سلفنا وقدوة للشبان *** الشهيدة حدهن هي زوجة الشهيد ناصر بطل معركة المحرزي والتي استشهدت بمعية اطفالها على يد المجرم محمد جهان آراء |
